Plantun de Prouvènço

Pèr coumpara dos planto d'encò nostre

Trichophorum cespitosum & Stellaria nemorum

Trichophorum cespitosum

Cyperaceae

Nom en français : Scirpe cespiteux.

Descripcioun :
Aquesto bolo fai de mato dins li bas-palun, li tourbièro e riéusset de mountagno sus sòu séusous. L'espigueto de 3 à 6 mm èi souleto au bout de la cambo. Se vèi tres escaumo esterlo e lusènto e la pu basso, mai pounchudo, s'atrovo èstre quàsi o pu longo que l'espigo. La subsp. que trachis en Prouvènço, ié dison cespitosum.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 35 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Trichophorum
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 3 à 6 mm
Flourido : Printèms - Estiéu

Sòu : Si
Autour basso e auto : 400 à 2600 m
Aparado : Noun
Abriéu à setèmbre

Liò : Tourbièro - Riéusset - Bas-palun
Estànci : Mountagnard à Aupen
Couroulougi : Bourealo
Ref. sc. : Trichophorum cespitosum (L.) Hartm., 1972 (= Scirpus cespitosum L., 1753 )

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.